МИНСКИЙ ОБЛАСТНОЙ
ЦЕНТР НАРОДНОГО
ТВОРЧЕСТВА

11 лістапада 2017 года на базе Стаўбцоўскага раёна адбудзецца абласны семінар-практыкум для кіраўнікоў вакальна-харавых калектываў па тэме: “Работа над вакальна-харавым творам: этапы развучвання, сцэнічнае ўвасабленне. Новыя формы музычнай інтэрпрэтацыі”.

У праграме семінара:

• знаёмства з удзельнікамі народнага хору “Нёман” Старасвержанскага ЦК (кіраўнік Вольга Шыбко). Работа над вакальна-харавым творам, этапы развучвання;
• прэзентацыя дзейнасці народнага фальклорнага ансамбля “Коласавы землякі” Любкаўшчынскага СДК (кіраўнік Лідзія Варывоцкая). Выхаванне і фарміраванне зацікаўленасці і прыхільнасці да традыцыйнай культуры падрастаючага пакалення, праз сумесную працу і канцэртную дзейнасць з калектывам-спадарожнікам – дзіцячым ансамблем народнай песні “Кропелька”;
• прэзентацыя дзейнасці народнага вакальнага ансамбля “Дольніца” Горкаўскага СДК (кіраўнік Рэгіна Васілеўская). Прыёмы і метады работы над інтанацыйным строем у калектыве;
• канцэртная праграмма вакальна-харавых калектываў Стаўбцоўскага раёна.